راسك عنيد

كلما قلت ابسلى زاد وقتي شقاي
كلما قلت ينقص هم قلبي يزيد
يا لطيف الحشا يا غايتي يا مناي
دام هذي صفاتك منك ويش استفيد
كلما قلت اببعد عنك جاني بلاي
والزمن ما صفالي وانت راسك عنيد
يوم ادور رضاك ابي تدور رضاي
ما بغيتك تشب النار فوق الحديد
بعدما كنت قدمي صرت اشوفك وراي
يوم كثرت طيورك فوق خضر الجريد
ما هقيت ان نجمك ينتحي من سماي
مير هذي نتيجة راي ما هو رشيد
ما دريت ان كثر الصبر يبحث خفاي
يوم تشهر سيوفك يا بو باس شديد
الله انه حسيبك يا مسبب عناي
حسبك اللي يدبر في البشر ما يريد
كبر جرحك بقلبي وين احصل دواي
طرقت (ن) علها يا صاحبي ما تعيد
مبارك العصيمي