الناس في خير

فالك ياابومتعب على الناس في خير
والشعب من جودك مهوب محرومي
حتى القطاع الخاص في نهجك يسير
بامرك غدا مثل القطاع الحكومي
شعبك رسم لوحه بحب(ن) وتقدير
بروازها شعب(ن) تكاتف عزومي
أوامرك عمت كبير(ن)مع صغير
وباسبابها زالت جميع الهمومي
وشملتها بالدين علم(ن)وتبصير
واخلصت في النيه بقلب(ن)رحومي
أبشر بشعب(ن)مايجي منه تقصير
رهن الاشاره لك رجال(ن)قرومي
واهل الحسد ما نالو إلا المخاسير
وعيون حساد الوطن ماتنومي
ماتوا بحسرتهم مثل نافخ الكير
يعميه دخانه ويعجز يقومي
والحمد للي كور الشمس تكوير
الخالق اللي له نصلي ونصومي
وصلاة ربي عد ما غرد الطير
على محمد عد طلع النجومي
سليمان بن عبدالعزيز السنيدي