سيف القدر

الهواجيس ذود إمن المطايا
مارعت في ديار (ن) جرهديه
والقصائد تضيق إبها الحنايا
لين تقرب مطيه من مطيه
ثم تشتالها شيل الرزايا
ويفزع القاف للمعنى حميه
القدر سيف قدام المنايا
لو طعن طعنته طعنه قويه
والمجاريح وإعيون الصبايا
والمعاناه حاجه داخليه
ماتطيب الجروح إمن الهدايا
ولاعلاج الجروح أغلا هديه
وماش مخلوق معصوم الخطايا
غير ربي عصم عنها نبيه
بس أقول الخطايا في السجايا
تمحي في الكفوف العاطفيه
وكل غلطه لها دايم ضحايا
مثل مالعفو عند المقدريه
زايد إعداي من نقص أصدقايا
ينقص الخير وتزيد الأذيه
وأترك الوسع وأجلس في الزوايا
لجل أحاسبك يالنفس البريه
وكل ماقربك ياذيك المرايا
مابقى فيك حاجه واقعيه
صورتي فيك وإحساسي شظايا
اعكسي صورتي مثل عليه
اعكسيها علي كل النحايا
مثل ذيك الليالي الأوليه
كان باقي من الماضي بقايا
ما تغيرك غلطه مطبعيه
ارجعي مثل مانتي يالمرايا
واعكسي صورتي مثل عليه
لجل ما طاب جرح من الهدايا
ولاعلاج الجروح اغلا هديه
عبد الإله شلواح العتيبي (الرهاوي)