أنا السعودي

لبيه لبيت لك ع السمع والطاعة
لبيه لبيت لك يالواحد المعبود
لبيه لبيت لك والنفس فزّاعة
لبيه يالدين يالدولة ويا ابن سعود
زلزال .. بركان .. والا قامة الساعة
لا والله إلا عتاد وعدة وعدود
إعصار .طوفان .هزّالكون من قاعه
أنفاسه الموت وظلاله من البارود
من لم يمت ياعرب بالسيف وأوجاعه
يموت من علته والخاتمه للدود
كم من عيون تعاف النوم طمّاعة
ماتدري إن البلد له حرمة وحدود
أنا السعودي يدوي الكون وأصقاعه
من وين حليت ذكري في الورى موجود
حنا لأوامر مليك العرب سماعة
آذاننا مصغيه ونحقق المنشود
وحنا إذا حان وقت الجد بيّاعة
بيّاعة أرواح في سوق الشرف ونزود
نزود في كيلنا ولا ينكسر صاعه
مادام سوق الشهادة موطن معهود
وحنا سناء المجد وبروقه وذعذاعه
وأمثالنا على الأصابع في البشر معدود
وحنا جنوب الوطن كفه مع ذراعه
وشرقه وغربه بعون المعتلي مسنود
رقابنا في سبيل الله خضاعة
يشهد علينا جبل دخان وأرض الدود
لامن دعانا الوطن نمشي على إيقاعه
ليوث غاب وحنا للمليك جنود
جيوش عز تدك البغي وأتباعه
جحافل تدمغ أهل الشر والمنقود
نرد كيد الحسود ونحصد أتباعه
الدرب في وجههم بجنوبنا مسدود
صقورنا في علو الجو شلاعة
تمطر بويلاتها سجيل ثم تعود
تزأر أسود الوغى بأنياب مزاعه
في ضحكة أوداجها موت ودن رعود
نبحرعلى الموت ويرفرف لنا شراعه
مركب حياض المنايا وردنا المورود
ياموطني موطنك قلب وراء أضلاعه
يفداك جده وأبوه وولده المولد
ياموطني لك يمين الخير زرّاعة
وكل ذو نعمة ياموطني محسود
اليوم قلبي نوى يكشف عن قناعه
ويبوح عن سره أللي بالحشا مركود
لوكان للحر حق يغيّر أطباعه
ويصيرفعله على طول الدهر محمود
وحتى ولو ضمن شرع السمع والطاعة
ماغير اسمي ولا الدولة ولا آل سعود
رافع العمري