أرفع عباة العذر

وش للزعل في مولد الوصل يدعيك
يكفي انتظاري من هجيرك تكوّى
دقايق الذكرى في عيني تناجيك
وانته على حبال العواذل تلوّى
ما ترحم اللي شاب راسه ويرجيك
والحب في (دجيما) الهوى كيف سوّى
كل المكان اللي فضا لعين باغيك
رتّب مواعيد الغرام وتذوّى
انا تعبت امر بيتك ولا اجيك
وعلام اخوك ان قلت ابنشد تقوّى
ليه السؤال يموت ضامي باياديك
ارفع نظرك شوي في وتروّى
وافتح عباة العذر عن شمس مغليك
بغسل ظلام في ظلوعي تطوّى
عبد الكريم الذيابي