سلطان .. غلاه حصري

ياعين هاتي غلاك وعانقي ثغري
دمعة فرح غالية وكفوف مرفوعه
دعوة عظيمة مع ليل الدجى تسري
الله كتبها لمن يدعيه مشروعه
كررتها في الخفا وأعلنتها جهري
يحفظ لنا اللي غيابه زادنا لوعه
اللي عطايا كفوفه نهرها يجري
حاضر وغايب ولا قد جف ينبوعه
هذاك أبو خالد اللي بسمته تغري
ولمسة كريمة من أيده تذهب الروعه
سلطان .. سلطان حبه يجبر الكسري
والدار ترفل فرح تستقبل أرجوعه
غلاه حصري وفيده كل شي حصري
أمم عظيمة وسط كفيه مجموعه
طيبة وهيبة ويبقى للوطن ذخري
فعيوننا منزلة وقلوبنا طوعه
سلطان لامن كتبته ينتشي حبري
وتاجي قوافي قصيدي حشد مدفوعه
على الهجيني وفي المسحوب والصخري
لها جرس في بحور الشعر مسموعه
وأن قالها الشعب مل الصبر من صبري
بواعث الحب بالأشواق مطبوعه
ندري بحبه لنا وبحبنا يدري
مشاعر صادقة ماهيب مصنوعه