أميرنا الشامخ

اليوم شلفا الزناتي وقّعت في لحم
وطى برجله على الغار وبدت حيتّه
أميرنا الشامخ المتواضع المحترم
اللي مع اردا الخلايق صافيه نيتّه
امعدل الميل نصرة كل من ينظلم
الخير مرسوم في وجهه وناصيتّه
عدو الارهاب واهل الغدر عاش وسلم
من مدعين الوفا والنيه مبيّته!!
ماحط دونه حرس تفتيش ولاخدم
ولاغّير اسلوبه وعطفه واريحيّته
وهذي عوايد لمنهم يخدمون الحرم
مؤسس المملكه ماضاعت وصيّته
على العدل والشريعه من أساس الحكم
والشعب له حقه وتحسين وضعيّته
يبنون دور المعارف والضعوف تهدم
كم مسجدٍ تدعم القران جمعيّته
هنا يعيش اليتيم ولايحس بيتم
وهنا تعوّد على المرضان عافيّته
وهنا الفقارى غداهم مع عشاهم دسم
(والأمر والنهي) كلٍ يحترم هيئّته
الشعب في خير متهني بحمر النعم
في ظف ابومتعب ويتعّب على رعيّته
والله مانرضى بدال اهل الوفا والشيم
حكامنا اللي ظمنوا للشعب حريتّه
يعني ؟؟ وبعدين معكم ياعقول البهم
والآدمي مايزين الا بعقليّته ؟
يافتنة الخزي منكم يعتصرنا الألم
اليا متى في الضلال اقلوبكم ميّته؟؟
حنا نعبد الولي ياعابدين الصنم
شيطانكم مرتحلكم وانتم امطيّته
بعد فتحنا القلوب ومدة ام الشحم
وقلنا من يعود للحق تنمحي سيتّه
صرتوا في جسم امة الإسلام مثل الورم
صحيح بان آخر علاج المرض كيتّه
حنا فدا للمليك وللوطن والعلم
واللي ماهو كفو يلبس برقع وخيّته!
غلاب بن عايض العالي