من هيبة الكعبة ليا الركن اليماني والمقام صلى الله وسلم على رسل البشر واهداتها والنور في طيبة ومسجدها وفالبيت الحرام والحكم في نجد وسيوف العز من سلاتها يوم الخميس اللي قبل تسعة وتسعين عام المملكة رفت على كل القمم........راياتها ما بين بذل ودعوة وخيل وبطولات وحسام نصرٍ من المولى خذل فيه الجهل واعداتها توحدت والله عطاها فالفخر عز ومقام أمنٍ وأمان وخير عم المملكة وجهاتها سيرة بداها الصيرمي لين الفخر فيها استدام عزمه وعزم ارجاله اللي ما اضعفت هقواتها اهل اربعين اللي على شف الامام ابن الامام طالت على اسوار الرياض ومصمكه هاماتها عبدالعزيز الفيصلي لعل روحه للرحام كم ليلة لاجل الوطن واهل الوطن ما باتها اثنين وثلاثين السنين اللي توالت بالتمام في ملحمة توحيد خلّدها الزمن و رواتها زاح الجهل والظلم والحيف ومقاريد الانام والّف مابين قلوب خلق الله ولم اشتاتها من الجنوب اليا الشمال وشرق مع غرب السلام أحيا السنن وافنى البدع والناس في عاداتها أسس لنا دولة وسن النا على الشرع النظام لين امنت فيه الدول كل الدول ودهاتها الدين بيّن والشريعة والحلال من الحرام والجهل منفي والصلاة تقام حسب اوقاتها واليوم في عهد الكريم ابن الكريم ابن الكرام بشته يذري له دول بشعوبها وساداتها سلمان له كل الولاء والطاعة وكل احترام وحنا نحبه لاانكرت بعض الدول قاداتها وحي الله الجنب القوي وحزامه ان قيل الحزام يطلع مطاليع الحرار ويستبق هداتها هذا ولي العهد كساب الثناء الحر الهمام اليا حكى الروس الكبيرة قصرت فاصواتها وحنا جنوده نلبس الموت الحمر لبس الوسام نزلزل قلوب العدا ويطير حتى اسباتها درع البلد خل الحسد واهله خفافيش الظلام حنا بعد رب الخلايق فالحدود حماتها
