خلاص يكفي

استأذن الحرف والتفكير والمعنى
والهاجس اللي يسريني على كيفه
ما عاد لي شف يمكن لو تجمعنا
ما يعرف القلب عذاله ولا ضيفه
خلاص كافي تعذبنا وطاوعنا
حتى تساوى ربيع العمر مع صيفه
يا هاجسي أرجوك لا تنبش مواجعنا
تصدق الليل في مضناك وتخيفه
أحلامنا بين لقيانا وموادعنا
سحابة وشوق تتبع مبعد وطيفه
وأقدارنا اليوم مجبورة تصارعنا
أغتالها الغدر وأشهر رمحه وسيفه
يا ليتنا ما عشقنا ولا تولعنا
ولا سلكنا دروب هاوية مخيفه
ياما وياما من الفرقى تلوعنا
لا شيب الهم يخلق هم ونضيفه
في صف الأحزان لعيونك تطوعنا
واسمي تسطر بكل جدار وصحيفة
الليل ساتر على ساحة مواضعنا
والفجر عانق حواضرها مع ريفه