حسن العواجي

حالتي يا الهاشمي ماني بخير = تعجز اللي قد تميز بالدها
ناعس الأجفان بالرمش المثير = سم روحٍ تلتقي به ودها
العنود الفاتنة البدر المنير = صار قلبي بين أصابع يدها
والله أعلم عن نهايات المصير = عالقٍ ٍما بين هزل وجدها
سهمها أخطر من السيف الشطير = لا رمت بسهامها من قدها
هي ملاك الحسن وأمير ووزير = في العذارى كلهن من قدها
أذهلتني بليلها سلك الحرير = وأرعبتني بشمسها في خدها
تخجل الرمان والتوت العصير = يرتجف في كاسته من يدها
كيف يا خيرات تبغاني بخير = لا تمادت في جفاها وصدها
يا رفيقي دلني كانك خبير = عد لي خطة تجمل عدها
بن رفاعي جن في ساعة عصير = روحت روحه ويصعب ردها
يا عسى من عندها يأتي البشير = يا عسى نكسب رضاها وودها
للأسير اللي يناديها أسير = بالقيود اللي موثق شدها
الأمل لا زال ما دمنا بخير = مد يدك بالمواصل مدها
مهداة للأخ : خيرات الأمير