مهدي محزري

لبى العيون اللي بها العشق مسموح = من سحرها ذاب الخفوق المعنى
يامنيتي ياعشق القلب والروح= محد سواك من خلق ربي فتنى
من سهم ودك خافقي اليوم مجروح= طول العمر لك فؤادي تغنى
ليت الغلا نعلق به أيام ويروح= المشكلة إنه طول العمر يمتحنى
العين تعبها السهر وكثرة النوح= والخافق الملتاع جرحه يونى
عزاه ياقلبن من الهم مطروح= من فارق الي في حياته تمنى
عن الخطا لو عاد والله مسموح= مسموح لو خلي علينا تجنى
لاني قويت اسكت ولاطقت انا البوح= والحزن دوله ياهوى به سكنى
ياعزتي للي من الفراق مجروح= انا اشهد انه بالحياه ماتهنى
يالله ياعالم بما تخفي الروح= تشفي جروحن بالضماير كونى
وتزيل همن في سما خافقي يلوح= وترد لي بسمه لها سنين عنا
..