قرايح الشعر

فالخاطر ورودٍ هيام
ولا كل عدٍ ليا جاته تبي تشربه
ما تورد إلا على عدٍ عليه الكلام
وأتعب لها وأربط حزامي لها وأكربه
من شان ما يلحق الشعرالحقيقي ملام
والهزل بإذن الله المعبود ما نقربه
تاتيلي المفرده رغبه وطوع وسلام
تطرب هل الذوق في مضمونها تطربه
وصفت لها شرد الأفكار صف قيام
در من الشعر والشعار تستر به
فالشعر إما وراثه أو قريحة إلهام
أو يعتبر فالحقيقه موهبه موهبه
الشعر محور أدب الشعر محور نظام
يبعد هل الشور عند الناس ويقربه
واللي ماهو فالشعر متحزم له حزام
قل بري الشعر منه ولا يقربه