قبل البنج والسلك والسكين..

يا دكتور قبل البنج والسلك والسكين
وقبل ما يروح اللي على عظمة لساني
أنا طالبك تكفى ما دامي مع الحيين
أبكتب وصاةٍ حبرها دم شرياني
أنا مجرب الدنيا وشايف بشوف العين
ياكم واحدٍ جيت اعتزي به وخلاني
وأنا كنت له بنك العطا والسلف والدين
ومتى ما تضايق من لياليه يلقاني
ومن يوم ما كبرت علابيه أبو وجهين
قلب قلبت أبو حصين يالله لا تبلاني
تصددت حشمة وأدري أني من الفانين
لي الحق.. واسمي باقي وعمري الفاني
لو أن الطعون اللي على مفرق الكتفين
ما هي من قريب.. شفت كعمي لعدواني
أنا ما خسرت إنسان يلعب على الحبلين
خسرني وأنا ادري ما يعوضني بثاني
أنا إن عشت لي ثنتين.. ثنتين من ثنتين
وإذا مت ألقى من يبي يربط أكفاني
ماني للهديفه والردي والعفن مسكين
أنا الله رزقني عنه والله تولاني