ضحكة زماني

احترت بين القلب والروح والعين
والعمر واحساسي وكل المحاني
شعري.. غلاك بداخلي من زمانين
أحلامي الخضراء وضحكة زماني
من فرحتي تاهت حروف الدواوين
مدري أشيلك شعر ولا أغاني
شفني أشيل الورد مابين كفين
والورد من شوقه للمسك يعاني
وشفني أزف العطر بأحساس للحين
ما أشوف نزفه يستحق أمتناني
وشفني أواكب طهر قلبك على وين
صار البحر نبضك وروحك مواني
يا كم أنا من فرحتي ذبت لك لين
أشعر برجفاتي بوصلك أماني
اشيا كثيره حرت مابينها البين
خذ ماتبي لا تستحي خذ عشاني
ماتدري ان ضحكاتك اليوم عيدين
ماتدري أن اليوم فرح وتهاني
ياسيدي تآمر على الرأس والعين
يجيك كل اللي تبي في ثواني
عامك ويومك ياعسى أيامك سنين
وأنته بخير وما تفارق حناني