النديم

وين النديم اللي ليا دار فنجال
ما ملّ من شوفك ولا يكره الناس
فيه الوفا والطيب ويْا سعة بال
لمّاح في وجه الرجاجيل فراس
واقع حياته يسبق القول بأفْعال
ضاري على فعل الجمايل ونبْراس
عذروبه انه ما يداني الانذال
ومْجالس اللي ما بهم فود وانجاس
راكد ولا هو للمذمات ميّال
ما هو كثير هروج وان قال بقياس
رجّال في صدره حمل قلب الاطفال
لا يمكن انّه يجرحك مثل الامواس
لا من زهمته ما تكوده الأهوال
وحده يجيك بعزم الفين واسداس
سلّم على صاحبْ عرفته من اخلال
رجحان عقله والنوايا كما الماس
لا هو يدوّر مصلحة أو تعدال
جا للمحبه صافي شعور واحساس
ما قلّب المواجع اقصار واطوال
مثله قليلٍ نادرٍ بين الاجناس
ما يرتكي للحمل في ضيق الأحوال
الا زحول ارْجال ما تعرف الياس