جروح الأعماق

ياللي نويت تحط بالقلب كَسْرى
ليتك لبعض جروح الاعماق رتّقت
العيش عقب مفارق الخل كَدْرى
ياظالمي بالبعد ياليتك أعتقت
قلبٍ شراك بمال قيصر وكِسْرى
مناه شوفك والبلا لا تضايقت
ودعتني والعمر لو كان يشرى
شريت لك عمر الهنا كل ما اشتقت
وليتك تشوف العسر من عقب يسرى
كان بغلاك اللي كسرته ترفقت
بعض الغياب بلا سبب شبه غدرى
تشوف ظلمة دنيتي لو تهايقت
وليتك تشوف الحال والهم يبرى
روح طواها الهجر وجروح فتقت
فما كل جرح اليا خذا وقت يبرى
بعض الجروح يزيد شره مع الوقت