الغريق

سعادتي يوم اشوفك واجلس قبالك
واحكي عن اللي عشقته قبل عشقي لك
وشلون كنت الغريق الصامت الهالك
يعني لي اشرح ولو ما كان يعني لك
كان الطريق ان بديته بالغلا سالك
واقول: يا قلب «عبّر» عن تفاصيلك
لكن تصرّف على ما تفعل بحالك
تزرع محبة وهذي من محاصيلك
يا قلب لا تاخذ العالم على فالك
ايه احترمني وانا بضلوعي آشيلك
ليته قبل لا عرفهم.. يعرف امثالك
ما كان جيت اشتكي ما صار واشكيلك
من وجنتينك تغار الشمس وظلالك
والليل يرسم ظلامه من مكاحيلك
زينك مسافة وانا دربي على اميالك
قطعت نصفه ونصفه باقي اجي لك
وان جيت ما عاد ابي غيري على بالك
يالماطر اللي تعبت اتبعك واخيلك