«سنين البُعد»

قصيدة قلتها للي قضى ليله زعل وأحزان
وأنا اللي أسهر أيامٍ بطول الوقت ما نامي
أفكر في زمانٍ فات حياةٍ ما بها خذلان
زمانٍ راح به خلٍ يعيش بقدر وحشامي
أجيك وكنت أفكر بك على حطت يدي لك شان
وخابت فيك أنا ظنوني تلاشت كلها أحلامي
حسبتك تروي الظامي وجيتك للوله عطشان
سنين البعد أشقتني وحلمي مات قدَّامي
فقدت أيامي الحلوة فقدت من الغلا إنسان
وجيت أسأل علام القلب لا من طاح ما قامي
تعبت من الظروف اللي طوت حيلي بلا حسبان
تعبت وما شكيت إلَّا ظروفٍ هدّت عظامي
ترى بعض الغلا لا من خذاه الوقت والأزمان
يملّه صاحبه لو هو قرين الروح وحزامي
ترى راعي الوفاء يوفي بلا قولٍ ولا برهان
ويبقى مع هل الطيبة يعيش سنين وأيامي
وأنا اللي سارحٍ فكري طوتني صفحة النسيان
ما دام اللي تمنيته يزيد بجرحي الدَّامي