استبشرت نجد

فرحه تعم الشعب حق وحقيقه
في مملكة الإسلام جانا بشيره
نسمع أخباره كل ساع ودقيقه
يالله يا علاّم غيب السريره
احفظ لنا عبدالله ونوّر طريقه
عبدالله اللّي كُل ينعم بخيره
أبو الجميع وصار كلٍ صديقه
وجه السعد للشعب خيرٍ وخيره
وصارت رياض المجد بعهده حديقه
وزيارته حتى الحواري الفقيره
ماهتم من بشته ولمعة بريقه
ببيوتهم يدخل ويرضي ضميره
محدن فعل فعله ولو هي حريقه
وحتى رعي إلبل عوّضه في بعيره
ويستقبل الشايب وكنّه شقيقه
كنه الخليفة في التواضع لغيره
والطيب ورثه من جدود عريقه
صقر العروبة يوم قاد المسيره
كلٍ يبي صفه ويبغا فريقه
عظيم ويشوف العظائم صغيره
حرٍ ومن ماكر أحرار طليقة
شُوره علا يا سعد من يستشيره
ويا سعْد من هو في الشدايد رفيقه
للطيب طيب ومن وجيه سفيره
ويزبن اللي جاه لانشف ريقه
وأختامها ما هلت أمزون غزيره
احفظ لنا عبدالله ويسر طريقه
محمد سالم آل سلطان القحطاني