انتهينا

وانتهت رحلة عذاب
وانتهت كل الموده والسلام
احمد الله زال عن عيني ضباب
وانجلى هم ٍ ملازمني دوام
كنت عايش في تشتت واضطراب
كنت لاهي في غموضك والهيام
ضاعت احلامي معك مثل السراب
ولا نفع وياك طيب ٍ واحترام
كم من اجلك تخطّيت الصعاب
وعشت ويلات المشاعر والغرام
ايه انا قلبي من الصدمات ذاب
ماجرى يكفي وذا مسك الختام
خاب ظني في هواك المر خاب
وانكشفت الحين وانزاح الغمام
رح فمان الله ماهم الغياب
الغدر اكبر من اعذار وكلام