يا مرحبا يا الإمام

يخيلك الشرق في لهفه وزود اهتمام
يالوسمي اللي تدكّ الارض وتعلّها
حلّيت ب أرضه وصافحها حمام السلام
وداعب على جرّتك ريحانها فُلها
زرعت بين الشعوب المرحمه والوئام
وخليت روس الضلال تموت في غِلّها
نظرتك تغني وتكفي عن كثير الكلام
يالحازم اللي قراراته على حِلّها
من رحت منهم عطوك أعلى وارفع وسام
وانت الشرف والفخر للأوسمه كلها
يا سيد الحزم والهمه وراس النظام
لا شفت روس النقايض قمت تفتلها
يا فرحة اللي على داره يحل الظلام
بالحق يا فزعة المضيوم تقبلها
وشعبك يخيلك هُنا وعروق شوقه حيام
واليوم شوفك بعد طول الضما بلها
هلّيت وصلك وعطفك مثل وبل الغمام
على قلوبٍ غلاك وحبك يظلها
جيّتك يا سيدي عيده وكل المرام
والدار لبست بعد ما جيتها دلها
يا مرحبا يا الامام ابن الزعيم الامام
الدار تو انورت يوم حضنت خلها
يالعادل اللي شمل عدلك جميع الانام
ما هي غريبه قلوب الناس تحتلها