صداقتي

وياك يُطوالها العام
لكنها تكبر على طول فينا
ما هي حديث الخاطر اللي من ايام
ما كدّره ظرف الزمن والسنينا
يا صاحب القلب المصمم لقدام
ولا تراجع عنك لو ما التقينا
اي والله احبك وفالحُب ما انلام
مشاعري وياك تروي حدينا
منها تعلمنا الأماني والاحلام
كيف اتجسّد واقعٍ يحتوينا
ما غابت البسمة ولا جفت اقلام
حتى القصايد مع نغمها سرينا
نقطف من رياض الغلا احساس همهام
يدفع غلانا للسما ما انتهينا
ياما تدافعنا على صوت الانغام
تركض بنا اللهفه ونمسك يدينا
ما همنا عد الليالي والارقام
اهم شي نعيش حُب.. ونسينا
ان الزمن ما هو ضروري ليا حام
دام الغلا موالَنا ما علينا