ضايق الصدر

يا ضايق الصدر ليه الضيق ياعمري
من يوم صبحي توغل في طرف ليلك
صوتك سمعته ينوح وشق لي صدري
أواه منك ومن جرة مووايلك
غنيت لحن الهوى لوّ أنت ماتدري
وعزفت بأوتار جرحي سلهمة ليلك
همي طويلٍ وقلبك نايمٍ بدري
وهذي خيول الهوى تصهل تنادي لك
يا سامع الصوت مل الصبر من صبري
والليل مظلم وأنا أبغى ضي قنديلك
فان كان قصدك رحيل وعازم ٍ تسري
عز الله إن المحاني تشتكي ويلك
يكفيني إن الوفا وقت الجفا شبري
باضمد الجرح وأسهر في رجا سيلك
بناظر الشمس تشرق لا آفل بدري
عسى شعاع الأمل يمسح غرابيلك