عقل شايب

ماني بشايب مير في عقل شايب
وحكم مثل مايحكم العود بالراي
الله يادنيا العجب والغرايب
يا مكثر اصحابي ويامكثر عداي
لو ان مالي بالحجج والطلايب
انا على دربي ووضعي ومبداي
ياللي على اليمه تسوق الركايب
مغزاك قاصر عن حدودي ومغزاي
اللي مايقدر يرتكي للصعايب
لايقدم الخطوه ويتعب ورى خطاي
واللي ماجاب الله مني له بجايب
هذي توافيقٍ من الله بدنياي
ان طابت السمعة ترى الحظ طايب
وليا تردى الحظ ماصاب مرماي
اشوف لي بالعين مخطي وصايب
وانا على دلالي وناري ومركاي