جيت لك

محتاج ماجيت لك عابر سبيل
قاصدك في لازمً خابر أنك تملكه
لازمي ماهو بحملً على متنك ثقيل
لازمي تقدر بوصل المحبه تدركه
منك مدري وش جرى، من أسبوع وكم ليل
غاديً بيني وبين الليالي شربكه
عاد يوم أني عشانك فعلت المستحيل
لاتخليني ترى البعد مافيه بركه
أتوجد كل ماسترجع الماضي الجميل
وأختلف، لاونسْت بين المعاليق حركه
والسبايب (حسبي الله وانعم الوكيل)
واحدٍ بعده عذابٍ وصدمه وربكه
وأنت جيت وجابك الله وأنا مافْي حيل
بعد ماعرضت عمري أدروب التهلكه
دارني لاشفتني أطرق البحر الطويل
معك أحس بود مع كل دربً تسلكه
كل حاجه لك بها شف موضة كل جيل
وحاجةً مالك بها تعتبر مستهلكه
أنت قربً منْك جنه، وبُعدً منْك ويل
جعلني ما ذوق فرقاك يا أغلى ما أملكه