ياليتني معكم

حنّا بكم نفخر ونعتز ونزود
ونْماري العالم على روس الأشهاد
إنتم ذخيرة موطن العز والجود
وانتم أُسود البيدْ وأحفاد الأجواد
يا عزوَةْ اللي لى زَهم جاهْ مَردود
ويا فرحة المحتاج لى جاهْ مَدّاد
ويا صيحة الشجعان في عَجْ بارود
ويا صاعِقٍ حوّل على الخصم وَقّاد
يفداك بين الناس نذلٍ ومقرود
زيّن لجهّال الوطن ذبح الأجواد
جبان ما يدرأ عن النفس مَنقود
عيّا على عْياله ولا راح لجهاد
أما أنتم أبطال الوغى يا شْجع جنود
يابْناءنا ياحْبابنا ياهْلَ الأمجاد
تستاهلون المجد والفعل مشهود
وتستاهلون المدح من كل قصّاد
ما قد تمنّيت إني أكون موجود
إلاّ على حد الوطن عين صيْاد
حتى ولو خانتني البيض والسّود
يا ليتني معكم على الحد بزناد