شامخ الذات

في رثاء سمو الأمير سعود بن محمد بن عبدالعزيز آل سعود رحمه الله وأسكنه فسيح جناته
المجد ناح ونبرة الجود عبرات
والشعر وأهل الشعر ومعلقاته
على رحيل اللي له الجود عادات
من شبته حتى نهاية حياته
أبو هلا واسمه شموخ وعلامات
للمجد والتاريخ بأربع جهاته
على جميع الأصعدة شامخ الذات
مواقفه غير ونبأ مكرماته
لها تشد رحّال شعب وقيادات
بأسمى الثناء وأسمى الثناء من صفاته
سعود رمز العز وقت الملمات
بالطيب زوده زود من طيب ذاته
ذخيرة المحتاج في شد الأوقات
يا قل والله من يسوي سواته
على الجميع أفضال مثله كثيرات
في ساعة الظرف العظيم وشتاته
من صارت الدنيا بوجه متاهات
زبن عليه وحقق الله نجاته
يا كثر ماله من مواقف وفزعات
تشهد بها قبل الأحبة عداته
الله يسكنه الجنان الظليلات
ويغدق عليه بجنته وحسناته
عسى سجله يوم كشف السجلات
بالعفو والغفران يعلن ثباته
الله يبيحه كثر الأحياء والأموات
ويحسن عزاءنا كلنا في وفاته