تاريخ حافل

قصيدة مشاركة من الشاعرة "فتاة تهامة" بمناسبة اليوم الوطني لدولة الامارات العربية المتحدة
دايم يقولون الوطن مثل الأمانة ف الرقاب
والعهد والبيعة سوات العمر في مضمونها
وحنا نسوق العمر لجل الدار ما فيها إنتخاب
الصف مثل الصخرة اللي ما تذوب ركونها
إعيال زايد مضرب الأمثال في عز الجناب
دارٍ حباها الله بحكامٍ حماةٍ حصونها
واليوم يا عيد الوطن بعد أكتمل عد النصاب
افرح وخل الأرض ترقص لك فرح بغصونها
ديسمبر اللي غير غير ورحبته وسع الرحاب
كن القصايد ما تبي غير الوطن بلحونها
الإتحاد اللي على مبدا التلاحم ما يهاب
والشعب قلبه مثل طهر الغيم في مكنونها
حنا خليفه كلنا نوصل ليا حد السحاب
بأمجادنا اللي في جبين العز يلمع لونها
تاريخ حافل بالمكارم في ذهاب وفي اياب
صفحة شرف صفحة حضارة كلكم تقرونها
قد قالها محمد ولد زايد وعنوان الكتاب
البيت متوحد مقولة ساطعة في كونها
والشعب ما خان الأمانة فالرغد والبال طاب
هذي وصية زايد اللي ما اختلف قانونها
نمشي عليها خطةٍ بأرواحنا ماهي سراب
اجدادنا وأجيالنا همة نعيش فنونها
هذي إمارات الكرم ياللي تدوّر لك جواب
ام الجميع الطاهرة ما دنسّوا ماعونها
روح اتحادٍ وعمق طيب يعيش في زهو الشباب
مجدٍ تليد وعصر عز وشعبها بعيونها
يا علّها دايم بخير ولا تعرف الإكتئاب
ظلٍ يظللنا ولا نقدر نعيش بدونها
وصلت اليا صدر السماء واخضّر بالعشب التراب
واللي يذوق الشهد منها مستحيل يخونها