( فرحة وطن )

لأول مرة وفي أغلى وأهم المناسبات الوطنية ، يشاركنا الشاعر أحمد البلادي بهذا النص ( فرحة وطن ) ومع ترحيبنا به واعتزازنا بحرصه، ندعوكم لتشاركونا قراءته حيث يقول:
اليوم يوم الوطن والشعر ماله حدود = بأكتب قصيدة وأجر الصوت بلحونها
سلام ياديرة الأمجاد دار السعود = يالديره اللي نبيع الروح من دونها
ياديرة المصطفى يا أطهر ثرى فالوجود = يا قبلة المسلمين وقرة عيونها
ياديرة العز والنخوه ودار الجدود = يالشجرة اللي ثمار الخير فغصونها
من عهد عبدالعزيز ودارنا في صعود = اللي بسيف المعزه وحّد ركونها
وساد الأمن بعد ماوثق جميع الحدود = حتى طفت جمرةٍ من فوق غليونها
وساروا على دربه ونهجه جميع الفهود = ماغيروا منهج الديره وقانونها
عيال عودٍ ورد بالمجد كل العدود = وطبيعة العود والله ما يخلونها
واليوم في عهد أبومتعب عريب الجدود = سحابة الخير هلت صافي مزونها
والخير في دارنا في كل يوم يزود = وحمامة الدوح غنت بأعذب لحونها
عساك دايم لنا ياسيدي في الوجود = عينك على شان شعبك ماغفى نونها
حنا لدارك يابو متعب دروع وجنود = نحمي ثرآها من الحساد ونصونها
ولعل عيد الوطن في كل عامٍ يعود = فرحة وطن في قلوب الناس وعيونها