الشوق غيمة

والشعر ديمومة
والكل منهم يستثير الثاني
نثرتْ حبري وانكتب محرومة
بكيتْ حزني وانفطر وجداني
تعبت أدوّر من يسرْ قْدومه
ولا لقيت اللي أبيه وجاني
مابين جوع ولقمةٍ مسمومة
والموت صوته بينهم ناداني
أرجوك ياجرحٍ مكثّر لومه
صوت الفراق يجاوبه تحناني
لا تسأل العزة عن أمر الشومه
أسألني من هو بالغدر جازاني
خلّه مع اللي غيّروا مفهومه
وقلّه شموخي فوقهم وداني
سكنت قصره وارتشفت غيومه
شفني على عرشه أجر ألحاني
لتفسير قصدي.. ماني بملزومة
وإن ماقراني فيه من يقراني