يا وجد حالي

وجد مقطوع الانساب
اليا تلفّت ما لقى من يعينه
الحظ طايح والعنا ضمن الأقراب
له يدعي الله من أوائل سنينه
الحال نفسه والزمن مابه عتاب
هي قدرة المولى بنفسٍ حزينه
وخلاف كل ما قيل تتعدد اسباب
والهم واحد للعقول الفطينه
كنه سبح بالبحر وابتلت ثياب
ما عاد تفرق زوّد البل طينه
يعني من آخر حكينا مابه احباب
والهم رافضنا على زود شينه
والناس تكرمها ولك دوم تغتاب
وان قابلوك الشين يا قو عينه
حال الزمن والعيب في بعض الاصحاب
لحظة غيابك م احتماك بيمينه
ولا تنحني للناس والوقت غلاب
واللاش خله لو غناك بيدينه
خلك مع اللي ما قفل دونك الباب
ربٍ عزيزٍ كلنا عابدينه