بعض البشر

يمناه بلسم على الجرح
تطيب بمصافح يديه ، وسلامه
وبعض البشر سوالفه ماتبي شرح
يجرح شعور الحاضرين بكلامه
ما كل من يمزح ويضحك معك مَرْح
كم دمعةٍ لاذت ورى الابتسامه
وانا بنيت من الامل داخلي صرح
بدري على قو الظروف بهدامه
ولا اضيق وداخلي سورة الشرح
ازيح فيها كل هم وغمامه
اقلّها يا راعي الجمع والطرح
من الآذان الين وقت الإقامه
ولاْطال بالي واتّسع صدري الشَرح
ما فيه شيٍ يستحق الندامه
ياراسي انهض وارتفع واسترح وارح
بعض البشر ما من وراهم سلامه