تراني ما بريت

انحيت ياليل ونجومك سرت
وانا على هاجس الذكرى سريت
يكفي من الذكريات اللي جرت
لو كل ذكرى عطتني شطر بيت
ابغى قصيدة فرح وتعثرت
وتبدلت حزن من يوم ابتديت
واللي عن البال غابت وحضرت
من بعد ما كنت اظن اني نسيت
مرت مرور السحابة وامطرت
واحيت هشيمٍ من اول كان ميت
دب الروى في غصونه واثمرت
ياليتني من ثمرها ما جنيت
اثر الجروح القديمة ما برت
وانا احسب اني تشاويت وسليت
مع كل ذكرى من الماضي طرت
جرحٍ يردد (تراني مابريت)