بوح

رفعت كفي ما قدرت أرفع الصوت
لو كان فالخاطر كلامٍ كتمته
لحظة وداع وكنها سكرة الموت
ضاع الطريق اللي من أول رسمته
مشعان البراق
كل ما قلت أعشقك جعلني قبلك
قالت إلا جعل يومي فدا يومك
قلت يا عزي لعينك ويا خبلك
أنا ميت وأحيا إن جيت قدامك
عبدالله بن عيفة
رغم السنين اللي مضت أتحراه
عجزت أقول إني كبرت ونسيته
مديت له قلبي وروّح وخلاه
الظاهر إنه ما عرف وش عطيته
محمد العارضي
للغيث يا ذكرى تمر البال
يسقيك سيلٍ سال من عيني
طراك ريح الماطر الهمال
وليل الشتاء طراك ليديني
مرزوق الروقي