اشتاقك كثير

لا تحرض ضيقتي وتحدني
للبكا والهمّ وتأنيب الضمير
أنت أكثر شخص مجرم شدني
وأنت أكبر قلب طيب عالأخير
بطلبك وأرجوك لا لا تردني
وأعرفك شهم وسنافي وأمير
لا حكيتك أستمع.. لا تصدني
وانتبه لي وسط هالجمع الغفير
يكفي أن الشوق وحده هدّني
والوصل مقطوع وأشتاقك كثير
الله أكبر كيف كنت تمدّني
بالوفا والوصل والحب الكبير
أعطني حريتي.. لا تعدّني
في قفص صدرك حمامة ما تطير
ما أبيك اتحبني وتودّني
بس أبيك تكون مرتاح وبخير