لآلئ شعرية

يامل قلب يسج وفيه دولاجه
من هاجس بالضماير قام يدرجها
في معزل عن جميع الخلق وازعاجه
ما اسمع من الناس لو تكثر لجالجها
ماغير اهوجس تقول مضيع حاجه
آخذ واسند على روحي واهرجها
وادوج لوكان مارجلي بدواجه
ادلّه النفس لين الله يفرجها
يالله يالي بيدك الضيق وافراجه
ياخالق الخلق ياقاضي حوايجها
تفرج لعين الذي أغفت بسوهاجه
تجهز عليها الطواري لين تزعجها
نوب سهرها شديد ونب نهاجه
ومر تكن الدموع ومر تزعجها