جند الوطن

ارحب ارحب يا صدى صوتٍ من الدرعيه
خيلا العوجا.. من العوجا مقر الساسه
يا صلاح الدين.. يا صوتٍ دعا داعيّه
اوقض النايم صدى صوته وطار نعاسه
يا محمد جهّز اللي للعدو مشريّه
حربنا جهّز له العدّة ودق أجراسه
وانتهض حرٍ عليه من الفخر ماريه
من شجاعة راسه وطيبه وقوة باسه
الصفات الطيبة ماجات له عاريه
قام ابوه من الشداد وجلسه مجلاسه
ابتدا وقت الفخر والصحوة الدينيه
وانتهى وقت الكلام اللي على الكراسه
الرفيق نحط له عن حر شمسه فيه
والعدو نقص راسه قبل يكبر راسه
ياولد عبدالعزيز بلادنا محميه
كلنا جند الوطن فالساعه الحسّاسه
وكلنا قواتك البحريه .. الجويه
الوطن دونه معداته وخيرة ناسه
طلعوا كل القضايا الميته والحيّه
وكل رجالٍ على قدّه عطوه لباسه
الجحود اللي فزعنا له تزايد غيّه
ما درى انا نقدر نرده على مقياسه
علموه وعلموا اللي عاد عنده نيه
كل شيٍ ينقلب لامن قلبنا الطاسه
حزمنا حزم وعواصف حزمنا الحربيه
تمّن رياسه .. وتاطا فوق خد رياسه
يا ملك عز الله ان منقيتك .. منقيّه
يوم صفّت قندت راسي وطار عماسه
فوقها اللي فالمواقف يحتمون الهيّه
سربةٍ تاريخهم طيب وفخر وفراسه