مليك الخير

الحمد للي بدّل الخير في خير
جل وتعالى محصي الإنس والجان
الواحد المعبود وال المقادير
من بعد ابومتعب عوضنا بسلمان
مليكنا اللي للعلا قادنا يسير
ابوفهد رمز التواضع والإحسان
مليكنا اللي مالحق فيه تقصير
ابوالأرامل واليتامى بليهان
صافح يمين الشعب بأفضل تباشير
متربع ٍ فقلوب شعبه من ازمان
كل المشاعر تقتصر والتعابير
ولانوفي الحر القطامي بقيفان
سلمان مايرضى المظالم على الغير
حكيم راي وطبّق الشرع ميزان
عن الشريعه سيدي دايم يغير
والظلم مايرضاه في اي انسان
يرد حق الشخص لو خصمه اكبير
ولا يرتضي بالظلم للحق عنوان
يالله ياللي كاسي الريش للطير
احفظ لنا راع الوفا عالي الشان
احفظ مليك الخير في ديره الخير
هو ذخرنا لاثار بالجو دخان