عسى الملك في خير تبقيه يالله

الحمد للي معطي الخير كله
جل وتعالى محصي الإنس والجان
الواحد اللي كل ابونا نجله
القادر اللي عالم ٍ مابالأكوان
نحمد كريم(ن) مشفين كل عله
ياذا العفو يامبرين كل مرضان
بابك وسيع وكل ابونا ندله
نرفع يدينا بالرجاء وقت الآذان
أشفي ملكنا ياالهي وخله
ذخر(ن) لشعبه لا اظلم الليل يقظان
عسى الملك في خير تبقيه يالله
وتلّبسه ثوب السعد خير من عان
جانا الخبر عبر الصحف والمجله
قالوا سليل المجد طيّب بليهان
عسى المرض مايوم ياتي محله
يبقى لنا قيدومنا عالي الشان
وتوّفقه يارب بالأمر كله
عبدالله الزيزوم وافي ولاهان
والختم صلوا ماانورن الأهله
على محمد ناشر الحق تبيان
عبدالكريم ابراهيم بن خزيّم