أعز مخلوق

أي والله أحبك وأنا فيك ولهان
يا أغلى بشر ولشوفك الرجل عجله
يا أعز مخلوقً سكن وسط الأجفان
لاغمضت عيني لقيتك بدجله
في نهر عيني لك مقرً ومسكان
نهر الكريم اللي من الدمع نجله
وترى الكِرام اللي عطاياهم إحسان
حتى مدامعهم كِرامً وخجله
لك في خفوقي بيت مافيه سكان
شيدته لحضرة سموك ولجله
تلقاه قبلك ساكنه طير حوران
حرً مقابيس الظفر تندرج له
لا ضخ دم القلب في كُل شريان
دريت بأن القلب يمه نهجه
هذاك جدك ياعبادي كحيلان
سميتك باسمه وأنا مبتهج له
يابوك حبي لك تغنى بالألحان
والروح طربت عقب ماهيب وجله
عسى الولي يحفظك من كل شيطان
يشفي جسدك الشافي اللي فرج له