العيد قرّب

والفرح ساعة لقاك
اعايدك قبل العرب يسبقوني
عيدك سعيد ويكتسي به محياك
كل عام وانت بخير .. عيدك بدوني
ما طاب جرحي منك لكنّ يفداك
تدري بقلبي وافيٍ ما يخوني
كل ما اتذكر صورتك واتهياك
يهل دمعي من محاجر عيوني
ذبحت روحي في مقابلك ورضاك
وضيعت عمري لين صاحت طعوني
لا انت الذي وفيت حقي بيمناك
ولا انت اللذي دافعت عني ودوني
بعت السنين وكن ما عشت وياك
ويا حسرتي خيّبت كامل ظنوني
شمّت بي عذّال في ليل رجواك
وارخصتني يوم العرب حاربوني
مرات ودي بك ومرات مابغاك
وحبك تمكّن والمشاعر عصوني
الله حسيبك كل ما لاح ذكراك
ياهي كثيرة في حياتي ديوني