أمجاد قايد

توكلت وعلى الله التوكل بعد ما سمّيت
له الحمد وله الشكر ونعيمه في مخاليقه
على مبدا يدوم الجزل ترك الهزل بيت وبيت
مفاتيح التمكن بالشعر تفتح مغاليقه
اخذت إليّ انطلاقه في مساحة فكر رحت وجيت
مفاهيمي تحدد حالة السلوان والضيقه
تمعّنت وجمعت امجاد قايد بس ما وفيت
على يومٍ مخلد للوطن ما ضاع توثيقه
حكم عبدالعزيز وثبّت اركان الوطن تثبيت
على نهج الشريعة في كتاب الله وتصديقه
رفع راية هدفها جمع شمل ويمنع التشتيت
شهر حرٍ على شبه الجزيرة طاب تحليقه
قبل يستخرجون الغاز من عمق البحر والزيت
على ظهور الأصايل والولي سهلْ توافيقه
وجاء بعده عياله نبتوا روح الوفاء تنبيت
على عرف وعناوين الكرم صاروا مطاليقه
ابو متعب ما يتعب واتعب اللي عندهم تلويت
تميّز عهده وقولٍ يقوله بان تطبيقه
وعضيده كل منصب يستلم له فيه بند اعطيت
سلم سلمان في كل الجديد وفي معاتيقه
ولي ولي العهد مقرن كثر ما عدله ما أحصيت
عجزت أحصي جزالة سيرته في كل تحقيقه
وعلى شرق السعودية ولد نايف فْعوُل وصيت
سعود اللي فرج حال الضعيف إليّا نشف ريقه
وحنا شعب نشعب للولا بالروح والتصويت
تلاحمنا معظم وانتحيزم ضد تفريقه
نفتت زمرة التخريب عن كل الوطن تفتيت
ونعطي خصمنا درس العذاب ومنه تذويقه
حشراتٍ على هيئة بشر تحتاج للتفليت
يطيرها هبوب الريح تغريبه وتشريقه
وتمت واهتمامي في ثمين الشعر لاهتميت
تعلا في مسار الغيم معناه وطواريقه