تخاريف أبو العريف

@ ابو التخاريف خلنا مع كرة القدم ترى ذبحونا رجال الاعلام مع ياسر القحطاني يوم للاتحاد ويوم للاهلي ويوم للاتحاد ويوم للاهلي والنهاية؟
والنهاية الزامل قاعد لهم قعده تراه بيكون في القادسية حتى لو الملايين ارتفعت فوق العشرة هذا اللي سمعته ويجوز ابو التخاريف (مخرف) هالايام وراحت عليه.
@ طيب.. وادارة القادسية موقفها يختلف عن الزامل؟
الله اعلم.. (الخبرية) غير مؤكدة الادارة تبي الانتقال والزامل يبي البقاء.
@ نقدر نقول ياسر مع القادسية الموسم القادم؟
خلينا نشوف نهاية مسلسل ليالي الحلمية هذا الموسم وبعدين لكل حادث حديث؟
@ طيب وحمالة المشرف اللي شغل الاعلام والناس وضاعف المكافآت؟
يعجبني يعرف متى يتلكم ومتى يصمت ويعرف كيف يهاجم التحكيم في الوقت المناسب عيني عليه باردة ماخذ الجو على الجميع..
@ لكن ماتعرف له (وسرب) يوم معاك ويوم عليك؟
حش هذا مو هلال الطويرقي هذي اغنية ذكرى قالوها من قبل (ليس له اصدقاء دائمون ولا اعداء دائمون).
@ المهم يابو التخاريف.. الدنيا مولعة ولا راكدة هالايام؟
توقعوا ان يروح (الرجال) لكن القرار جاء واخمد فرحتهم في كل مرة هذه هي اللعبة ولا تنجح..
@ طيب ابو التعاريف وابو التخاريف في وقت واحد تقدر تقول لنا ليش القحطاني هبط مستواه مع الاولمبي؟
الجواب معروف جدا بسبب هالصحافة اللي سوته (كرويف) زمانه وبسبب هالملايين التي دغدغت شعوره.. وبسبب هالصور الي كل يوم حاطينه له.