دردشة أطفال

@ وش اسمك؟
عائشة.
@ بس.. هذا كل اسمك؟
كذا ينادوني.
@ اقصد.. اسمك بالكامل؟
يعني اسم ابوي.. اسمه يعقوب ليه.
@ وش معنى اسمك؟
عائشة يعني البنت الحلوة.
و(يعقوب) وش معناه؟
يعني العقاب.
@ طيب.. كم عمرك؟
ما اعرفه.. أسألي أمي؟
@ تروحين المدرسة؟
ايه.. السنة الجاية.
@ طيب.. اذا رحتي المدرسة وش تسوين؟
اروح ألعب واذا جاء السواق اروح البيت.
@ وش تحبين تلعبين فيه؟
ارسم وألون.. بعيدين بروح الملاهي.
@ أي الألعاب بالملاهي تلعبينها؟
العب سيارات تصادم واتعشى واشرب العصير.
@ ما تخافين من التصادم؟
لا.. أنا قوية اعرف اسوق.
@ واذا احد اصدمك وش تسوين؟
الله يسامحه.
@ مع مين تروحين الملاهي؟
اختي وبابا ويلعبون معاي بعد.
@ طيب انت تحبين البنات والا الأولاد؟
البنات عشان ما يطقون ويسلفون واجد.
@ (عيوشة) اذا كبرت وش ودك تصيرين؟
(أبلة) ملاهي.
@ أشلون..؟
اشغل الألعاب للاطفال؟
@ البنات يسوقون السيارات؟
لا.. يشتغلون بالمطبخ.
@ وانت تشتغلين؟
لا.. بس اساعد ماما.
@ شلون تساعدينها؟
اوقف معاها بالمطبخ.
@ ما تتعبين؟
إلا اذا تعبت اشرب عصير ليمون وبرتقال.
@ وين تحبين تسافرين؟
الكويت.. عشان فيها ملاهي.
@ ليه.. ما فيه هنا ملاهي؟
إلا فيه بس هناك أحلى عشان (جدو) فيها.
@ يلا خلصيني عندك بعد سؤال؟
ليه يا (عيوشة) ما تحبين احد يسألك؟
لا.. بس بروح للألعاب الحين.
@ أجل خلاص نبطل أسئلة.. وش ودك تقولين بالأخير..؟
شكرا سلمى لي على كل الناس عندكم.