تخاريف أبو العريف...!!

ابو العريف اعتذر لك.. كيف.. وانت اللي بديت.. وعلى نفسك جنيت؟
* هذا طبعي, لكن ما جنيت على نفسي, ومقبول اعتذارك, لكن على ايش؟
@ ظلمتك كثيرا, وفكرت انك تخرب ما تعمر, لكن اكتشفت في الأخير اني على خطأ.
لو غيرك بعد يفهم اللي فهمته كانت الدنيا بالخير.
@ على فكرة ابسألك, هي اجوبة المحيسن في المحاكمة كلها صحيحة؟
* وأنت ايش تشوف.
@ أنا اللي بسألك يابو العريف.
* الرجل صادق, ولكن ليس كل ما يعرف يقال, وقد يكون أخذ بهذا المبدأ!!
@ طيب ايش رأيك في تشجيع جمهور الخليج للقادسية؟
* أهم شيء الدخول ببلاش ولا لا!!
@ وأنت مع هذه الخطوة؟
* أبناء سيهات يحملون قلبا كبيرا وواسعا لأندية الشرقية.
@ يقولون ان لاعبي الخليج لكرة السلة (ناويين) ينزلون.
* عسى ان شاء الله علشان ميزانيتهم تروح للقدم, نفسنا القدم يصعد.
@ بس هذا ظلم للألعاب الاخرى؟
* خلوها السنة تعدي على خير ومدوا رجولكم على قد لحافكم.
@ ابو العريف ايش سالفة ادمنت الثانية؟
* عندما اتذكر النهضة اردد اغنية راشد الماجد (احترنا يا راشد معاك).
@ليش بالذات هالاغنية؟
لأن وضع النهضة بالفعل محير؟
@ ابو العريف النصر صار خطيرا؟
* والله صار يخوف وايد, اهداف بالكوم والدلائل تشير انه قادم بقوة!!
@ لكن الاتحاد ما كل الجو على الجميع؟
* البركة في رابح صقر وعبدالله بالخير خلوا العميد شباب.
@ والاهلي؟
* اطلال ابو داوود كلاعب اختفت في الرئاسة.
@ والسبب؟
* اهل مكة ادرى بشعابها؟
@ ابو العريف.. القادسية ما شية زي الحلاوة؟
* عينك صابتهم.. والله يستر عليهم الدور الثاني.
@ ابو العريف.. والله كلام زوجة عبدالله صالح خطير جدا.. كشفت فضايح (لصبايا بارك).
* لكن انا عجبتني عبارة زوجي كان ينتظر شهادة تقدير, فأعطوه شهادة تنسيق, والله الدنيا دواره.. كأس عالم وشهرة وتصفيق واعلام والنهاية خطاب تنسيق.
@ يقولون في الجو غيم بالاتفاق؟
* حلوة هالجملة في الجو غيم جملة مهذبة, وأنا ازيد واقول السماء صافية بعد المكالمة الهاتفية بين الرئيس والمشرف.