ابو العريف ويش اللي صاير يقولون شكوى على الصحف وعلى المحررين؟ @ @ يعني انت شايفة الامر غريب، مو جديد هذا هو العمل الاساسي لها لادارة تعقيب وشكاوى. يعني ويش الحل؟ @@ الن يهديهم شاغلين انفسهم بالصحافة وتاركين ناديهم، والنتيجة طالع نازل. ابو العريف.. الطويرقي ترك الاتفاق @@ امنية القدساويين، ولكن ابو خالد جاي لهم بعد شهر ونصف يقولون هرب من المسؤولية. @@ ابو خالد قبل التحدي، واعاد للفريق توهجه، وشوفوه بعد عودته. ابو العريف.. صحيح محمد نور عليه حركات قرعة، لكن في الملعب ذيب. @@ البركة في....!! ابو العريف.. ابسألك عن العجلاني ويش اخباره @@ ضمن خانته حتى نهاية الموسم..! ليه؟ @@ من غير ليه. ابو العريف.. في القادسية عامل مشترك بين ادارة بادغيش وادارة الياقوت.. شقيق الرئيس دائما يصير مدير فريق القدم. @@ صدقيني يا لمبرقعة اني اخذت بالي من هالحركة.. على الرغم من ان منتقدي بادغيش في السابق يقولون محابي اخوه.. شاطره يالمبرقعه.. ان اشهد 1/صفر علي. الا قولي.. فابيو البرازيلي بيروح الخليج ولا القادسية؟ @@ مساكين الخليج على نياتهم تنازلوا عن السالم للقادسية وكان من الطبيعي يرد القادسية الجميل بالتدخل في صفقة فابيو. يعني ويش قصدك؟ @@ قصدي واضح، ندم الخلجاويين على التنازل، وعضوا اصابع الندم لو تناولوا عن السالم ببلاش للاتفاق كان حصلوا عن اللاعبين المنسقين من الاتفاق، لان عبدالعزيز الدوسري والزياني والطويرقي يحبون الخليج. وابو العريف ويش صاير للنصر؟ @@ اسالوا سيزار يعني بدون البوليفي ولا شيء؟ @@ الملعب اللي يقول كذا!! القادسية طالب تأجيل لقاء الاتفاق خايفين!! @@ لا عنهم كرة ماء عربية..!! الارض بتتكلم عربي. يعني مو خايفين؟ @@ هلال الطويرقي هدأ اللعب معهم وقال لهم انه بيسافر وردت روحهم اشوي. ابو العريف اشوف الدنيا ما شيه مع الشباب؟ @ @صدقني ان الفريق الوحيد اللي يعمل صح، والفريق الوحيد اللي يخطط صح.. والمستقبل له. بصراحة ويش رأيك في المسابقة حتى الآن؟ @@لحين ما صارت حماس، ولا فريق ألغى عقد مدربه ما هي على العادة. ابو العريف.. القرون مبدع @@ فريقه التوش وانت تقولين مبدع. يالغبي اقصد الوسيط السعودي احمد القرون مو خالد القروني؟ @@ لكن القادسية حتى الآن ما استعان بقدراته.. الغريب يعرف امكانياته والقريب..!! يمكن تكون خلافات شخصية @@هذا هو مربط الفرس. ويش سالفة الخليج مع التعادلات؟ @@ السهر والشيشه، ان شاء الله الجدد ما يطلعون مثل هالخمه اللي يبون زيادات وراتب ومكافآت وهم محلك سر. لكن مؤيد المطرود جاب العيد مع الوحدة؟ @@ الله يهدي كثر ما قام يتلعب على صلاح السبع صار مثله، لكن اللاعب لسه واعد والمستقبل امامه ويكفي ان اخوه البطل علي المطرود قاهرهم وذابحهم.. سلام من سيهات لجدة. والمرزوق ويش مسوي معاهم. @@يخلي وهيب وراءهم ويشوفون!! يعني انت مو مقتنع بصلاح سبع؟ @@ نحبه ووفي ومخلص ومجتهد بس الجمهور!! يعني مو مقتنع فيه؟ @ لا والله نجم بس الحساد ويكفي ان اخوه البطل حسين اللي جاب الذهب الآسيوي ابو العريف.. هاني هلال قائد منتخب اليد رجع من الاردن؟ @@ ابشرك رجع بتذاكره على حسابه يقول الاداري الفذ طلال هاشم "ماكو فلوس" يعني تصفية الحسابات بدأت؟ @@ الله ورسوله اعلم!! جبان يا بو العريف @ @ الله يهديك بالمبرقعة افهميها وهي طايره.
