براءة

إلى براءة الطفولة في وجه الأميرة الحسناء
"ليان أنت من الله والله اللي للغلا مهديك==0==
==0==وأنا أهديك القصايد كلها و أهديك شاعرها
يا لبّا نظرتك وإطلالتك وأنت بعد لبيك==0==
==0==ولبّا عينك اللي ذاب عمري في محاجرها
يا لبّا لا تبعثرتي حياه وقلت لك وش فيك==0==
==0==وشفت إن الوصايا العشر من وجهك مصادرها
وشفت اني فقير من البراءة وان لمست ايديك==0==
==0==عرفت إن البراءة والنعومة تحت أظافرها
يا لبّا لا زعلتي من عيوني يوم طارت فيك==0==
==0==وطاحت من عيونك قيمتي والله مكبرها
وانا ياما همستي لي وقلت أوحي وأنا موحيك==0==
==0==اعرف إن النعومة ما تعبر عن مشاعرها
واعرف إن الصباح اللي غزا وجهك على طاريك==0==
==0==يمازح غرتك ولا ينشّد عن ضفايرها
واعرف إن المسا والثلج والما والهوى تغليك==0==
==0==روابطها قوية والليالي ما تغيّرها
واعرف انك قبل هذا ، قبل هذي ، قبل هذيك==0==
==0==واعرف إن البشاير خاطرك قدام خاطرها
واعرف انك من الله يا ليان وللغلا مهديك==0==
==0==وأنا أهديك القصايد كلها و أهديك شاعرها
مدغم أبو شيبة