فرحة المشتاق

==1==انا اذكر يوم انا جيتك ملا قلبك فرح واسرور==0==
==0==وانا مثلك بعد قلبي سرى وازداد به شوقه
ضرب بحر الخيال وهام في حبك كثير ابحور==0==
==0==كفخ وسط الغضا طيرٍ قطع بعناده اسبوقه
بنى الاحلام ورديه وشيد بالخفوق اقصور==0==
==0==تربعتي به الحالك ابد منتي بمسبوقه
ملكتي عالمي كله دخلتي به وحل النور==0==
==0==بعد ما كان مستوحش بدت تنبض به اعروقه
هلا يا (فرحة المشتاق ) هلا يا مذهل الجمهور==0==
==0==هلا يازينة الدنيا وشمس الصبح بشروقه
هلا يا شمعة اسنيني وفرحة خاطر المكسور==0==
==0==هلا يا اعذب بشر بالكون ذوق الشهد منطوقه
انا وان جيت اوصّف بك لقيت الماس بك مسحور==0==
==0==على نحرك ومن نحرك اخذ زينه وممشوقه
يغار الليل من ليلك ويرجع خايب ومقهور==0==
==0==ابد ماكنه الا اللي خسر ماله وسط سوقه
عيون وساع من شافه غصب عنه يضيع الشور==0==
==0==ورمشٍ ساحرٍ يذبح سهوم الموت في موقه
يا بنت الحب صدقتيني او قلتي كلامك زور==0==
==0==هويتك يشهد الرحمن وروحي معك مسروقه
احاسيسي يا بنت الناس اترجمها بصدق اشعور==0==
==0==على بيض الورق عاشق وابد منتي بمسبوقه
==2==
@ خالد عقلا العنزي @