ما اهتنيتك

انت..ياحلم ٍضميته..وانت ساكن مني كلي==0==
==0== وانت يادمعٍ رواني وانت يا فرحة حياتي
لا فراق بوجهٍ ابيض لا وصالٍ يشفي غلي ==0==
==0== ان وفيتك ما سألتك وان جفيتك قلت هاتي
ياما دمعاتي كتبنك وش أقول ووش اخلي ==0==
==0== شلت انا بالقلب جمره واحرقت لذة مباتي
وياما بسماتي ذكرنك ..كل مافيني يهلي ==0==
==0== لين بدلت المواجع صرت لي عمري وذاتي
يااعذب انفاس الليالي يادفاي الترف ياللي==0==
==0== اشعل احساس الحنايا واشغل البسمه بشفاتي
لونساني فيّ قلبك من سوا قلبك..فطن لي ==0==
==0== وانت لي اول سحابه وانت لي حبي .. غناتي
يوم شفت عيون غيري استحلّت بك محلي ==0==
==0== انتخيت الصبر يلفي وارتجيت الله ثباتي
اول الطعنات فزن قالن لدمعي يهلي ==0==
==0== وتالي الطعنات صاحن وذبحن فيني سكاتي
ان وصلتك ما اهتنيتك..وان هجرتك زاد غلي ==0==
==0== لا وصالك محييٍ روحي ولافراقك مماتي
وانت ياحلمٍ ضميته ..انت ساكن مني كلي ==0==
==0== وش ورا درب التجافي وانت لي فرحة حياتي