"مكالمة" بدون رتوش

مساحة ننقل من خلالها اجواء مهاتفة مع احد الشعراء دون أية رتوش وكما جرت بكل عفويه.. وهنا هذه "المكالمة" مع الشاعر والزميل محمد العريعر.
الو:
@ اهلا وسهلا.
الشاعر محمد العريعر:
@ نعم معك.
ممكن ناخذ من وقتك دقايق:
@ تفضل من كان يكلمك قبل مكالمتنا.
زوجتي ام بسام:
@ ندخل بالخصوصيات ونقول وش عندها:
تمون.. بس تسألني متى ارجع للبيت عشان العشاء جاهز.
@ تحب اكل ام بسام:
احلى اكله من احلى يد.
@ كتبت بام بسام قصايد:
هي اكبر من كل القصايد.
@ هذا انتم يالشعراء اذا ما كتبتوا بزوجاتكم قلتوا هالرد:
لا جد فيه ناس تعجز تكتب فيهم قصايد من غلاتهم.
@ وينك فيه:
فوق كبري الخليج بالرياض.
@ وين رايح:
متجه لجريدة الرياضيه.
@ ليه:
علشان اقدم على صفحتي "نوافذ ورديه".
@ وش الجديد فيها:
آلمني خبر وفاة الشاعره صدى الحرمان وبكتب عنها.
@ وش اخبار الشعر معك بالصيف:
تمام.
@ يقل انتاجك صيفا:
بالعكس يزداد.
@ ما تحس ان الحر له تأثير.
بالعكس الفاكهة لا تنضج الا بالصيف.
@ كم قصيدة كتبت بالصيف:
اكثرها مرثيات بالامير احمد بن سلمان الله يرحمه.
@ اسمعك تفتح باب:
ايه هذا باب السيارة وقفت عند الجريدة.
@ توصي شي ما نبغي نعطلك:
سلامتك.